WARTA BASA SUNDA
NGAMUMULE LINGKUNGAN
Uar Panyeluk
Departemen Kahutanan ”Kecil menanam, dewasa memanen” kiwari geus mimiti
kateuleuman ku masarakat sanajan tacan maksimal. Nurutkeun Mentri Kahutanan MS.
Kaban, kudu terus disosialisasikeun supaya ulah jadi slogan wungkul, tapi kudu
gancang dilaksanakeun dina kanyataan. Masarakat kudu saladar kumaha pentingna
nangtayungan leuweung ngamumule lingkungan supaya bisa leupas tina ancaman caah
jeung longsor dina musim hujan, kagaringan dina usum halodo, akibat leuweung
gundul. Nya gundulna teh pagawa manusa.
Musibah alam saperti
longsor jeung caah nu kajadian ahir-ahir ieu ngabuktikeun di lemah cai kaayaan
ekologi geus henteu saimbang deui, akibatna lamun kajadian hujan ngagebret taya
eureunna, cai ngagewor ka landeuh taya hahalang deui sabab gundul tea, longsor
geus hamo pisan dicingceutkeun deui.
Salah sahiji
panyabab timbulna musibah caah jeung longsor, meuweuh maceuhna illegaloging.
Karugian anu ditimbulkeun ku musibah alam akibat rusakna leuweung, jauh leuwih gede
jeung menta korban jiwa anu leuwih loba batan tragedi kamanusaan anu sejenna.
Kulantaran kitu,
Mentri Kahutanan cumeluk, teu bosen-bosen ngelingan sangka leuweung nu gundul
gancang hejokeun deui, illegaloging musnahkeun ku hukum anu beurat, ulah dibere
ampun lantaran eta ngalantarankeun datangna mamalah teh.
“Nuar hiji, melak
sapuluh”. Eta nu kudu dilakonan ayeuna, memeh musibah datang deui leuwih
rongkah.
(Dicutat tina Mangle No.2173)
Tidak ada komentar:
Posting Komentar